"Chelsi"da ijarada o‘ynayotgan "Yuventus" hujumchisi Gonsalo Iguain turinliklar safiga qaytishni istamoqda, deya xabar beradi Tuttosport.

Manbaga ko‘ra, argentinalik futbolchi yana Krishtianu Ronaldu bilan juftlikda o‘ynamoqchi. Bu futbolchilar "Real"da birga to‘p surganlar.

Avvalroq, "Chelsi" mavsum yakuniga yetgach, Iguainni "Yuventus"ga qaytarmoqchi ekani xabar qilingan edi. Klublar o‘rtasida tuzilgan ijara shartnomasida ijara muddati yana bir yilga uzaytirish imkoniyati bor, "Chelsi" bundan foydalanmoqchi emas.

Iguain aprel oyida londonliklar safida qolmoqchi ekanini aytgan edi.