"Челси"да ижарада ўйнаётган "Ювентус" ҳужумчиси Гонсало Игуаин туринликлар сафига қайтишни истамоқда, дея хабар беради Tuttosport.
Манбага кўра, аргентиналик футболчи яна Криштиану Роналду билан жуфтликда ўйнамоқчи. Бу футболчилар "Реал"да бирга тўп сурганлар.
Аввалроқ, "Челси" мавсум якунига етгач, Игуаинни "Ювентус"га қайтармоқчи экани хабар қилинган эди. Клублар ўртасида тузилган ижара шартномасида ижара муддати яна бир йилга узайтириш имконияти бор, "Челси" бундан фойдаланмоқчи эмас.
Игуаин апрель ойида лондонликлар сафида қолмоқчи эканини айтган эди.
