«Chelsi» bosh murabbiyi Maurisio Sarri «Arsenal»ga qarshi bo‘ladigan Yevropa ligasi final bahsi oldidan o‘z fikrlari bilan o‘rtoqlashdi.

«Biz ajoyib mavsumni o‘tkazdik. Angliya liga kubogi finaliga chiqdik. Ertaga esa bizni Yevropa ligasi finali kutib turibdi. Nazarimda, mavsum yaxshi bo‘ldi. Agar finalda g‘olib chiqsak, mavsum juda zo‘r bo‘lgan bo‘lardi.

Jiru Yevropa ligasi musobaqasida juda yaxshi o‘ynadi va ko‘p gollar urdi. Olivye ushbu turnirda biz uchun juda muhim o‘yinchi bo‘ldi. Tarkib borasida ertaga bir qarorga kelaman, ammo tarkib tanlashda uni ham inobatga olaman.

Kantening tizzasida jarohati jiddiy emas. Muammo shundaki, u tiklanishga ulgurmasligini mumkin. Biz harakat qilamiz. Hammasini ertaga ko‘ramiz. Hozircha esa hech qanday kafolat yo‘q. Uning maydonga tushish imkoniyati — 50ga 50.

Ngolo Kante – biz uchun juda muhim o‘yinchi. U ixtiyorimizdagi yagona tayanch yarim himoyachisi. Uning tiklanishi uchun qo‘ldan kelgan barcha ishni qilamiz», – dedi Sarri.