«Челси» бош мураббийи Маурицио Сарри «Арсенал»га қарши бўладиган Европа лигаси финал баҳси олдидан ўз фикрлари билан ўртоқлашди.

«Биз ажойиб мавсумни ўтказдик. Англия лига кубоги финалига чиқдик. Эртага эса бизни Европа лигаси финали кутиб турибди. Назаримда, мавсум яхши бўлди. Агар финалда ғолиб чиқсак, мавсум жуда зўр бўлган бўларди.

Жиру Европа лигаси мусобақасида жуда яхши ўйнади ва кўп голлар урди. Оливье ушбу турнирда биз учун жуда муҳим ўйинчи бўлди. Таркиб борасида эртага бир қарорга келаман, аммо таркиб танлашда уни ҳам инобатга оламан.

Кантенинг тиззасида жароҳати жиддий эмас. Муаммо шундаки, у тикланишга улгурмаслигини мумкин. Биз ҳаракат қиламиз. Ҳаммасини эртага кўрамиз. Ҳозирча эса ҳеч қандай кафолат йўқ. Унинг майдонга тушиш имконияти — 50га 50.

Нголо Канте – биз учун жуда муҳим ўйинчи. У ихтиёримиздаги ягона таянч ярим ҳимоячиси. Унинг тикланиши учун қўлдан келган барча ишни қиламиз», – деди Сарри.