Professional boks bo‘yicha murabbiy, “Mir boksa” kompaniyasida murabbiylik qilayotgan meksikalik sobiq bokschi Joel Dias o‘zining yangi shogirdli Bektemir Meliqo‘ziyev haqida fikrlari bilan o‘rtoqlashdi.

“Jin ursin, Bektemir “bezori” Meliqo‘ziyev bilan ringdagi mashg‘ulotlarni ko‘rgani ko‘zim yo‘q. Bunaqa paytda u bilan ishlashni umuman xohlamayman. Chunki uning zarbalari juda kuchli (kuladi), u hatto maxsus qoplamali boks yostiqchasini, yoki qo‘l lapasini urganda ham bu seziladi.

Umuman, bugungi kunda biz bilan shug‘ullanayotgan Isroil Madrimov (2-0, 2 KO) va Bektemir Meliqo‘ziyev kabi bokschilar noyob iqtidor egalari. Ular prof-ringda 10ta jang o‘tkazguncha jahon chempionligi kamarini qo‘lga kirit olishadi», deya gapirib o‘tgan Dias.

Eslatib o‘tamiz, professional boksda super o‘rta (-76,2 kg) vaznda faoliyatini boshlashi kutilayotgan Bektemir Meliqo‘ziyev iyun oyida debyut jangini o‘tkazishi kutilmoqda. Oldinroq, uning kuchli zarbalari sabab menejerlari unga “BULLY” (bezori) deya laqab qo‘yishgandi.