Yevropa ligasi finalida "Arsenal"ni mag‘lub etgan (4:1) "Chelsi" o‘z tarixida oltinchi yevrosovrinni qo‘lga kiritdi.
London klubi Yevrokuboklardagi g‘alabalar soni bo‘yicha "Manchester Yunayted"ga tenglashib oldi. Angliya klublari orasida bu borada "Liverpul" yetakchi - 11.
"Chelsi" Yevropa ligasi va Kubok egalari kubogida ikki martadan, shuningdek, YECHL va UYEFA Superkubogida bir martadan g‘olib bo‘lgan. Londonliklar yangi mavsum oldidan UYEFA Superkubogini qo‘lga kiritsalar ikkinchi o‘rinda yagona bo‘lib olishlari mumkin. Ular "Liverpul" - "Tottenhem" uchrashuvi g‘olibi bilan o‘ynaydilar.
"Chelsi" Yevropa ligasi g‘olibi bo‘lib, YECHL yangi mavsumining guruh bosqichi yo‘llanmasini qo‘lga kiritdi. Angliya chempionatida uchinchi o‘rin bilan kifoyalandi.
