«Lokomotiv» – «Surxon» uchrashuvidan keyingi matbuot anjumanida «temiryo‘lchilar» ustozi Andrey Fyodorov o‘z fikrlarini bildirib o‘tdi.

"Barchani g‘alaba bilan tabriklayman. Jamoaning bugungi o‘yini va natijasidan mamnunman. Uzoq vaqt davomida murabbiylar shtabi ushbu sxemada ishlamagandi. Undan tashqari, Andrey Miklyayevning o‘zi ham bu yerda anchagina vaqt faoliyat olib borgan, jamoaning ichki muhiti borasida xabarga ega. O‘yinning boshida biz raqibdan ko‘ra hujumda kamroq o‘ynadik, agressiv bo‘lmadik. Ammo shunday bo‘lsa ham, raqibga yaxshigina muammolar tug‘dira oldik. Keyinchalik yaxshi o‘yin ko‘rsatdik. O‘yin 6 ochkolik bo‘ldi. Bugun g‘alabaga erishganimiz juda ham yaxshi ish bo‘ldi", — dedi Fyodorov.

Islom To‘xtaxo‘jayev: – Hisob 5:1, bunga qarab ko‘pchilik bahs biz uchun oson o‘tgan deb o‘ylaydi, ammo bunday emas. O‘yin qiyin bo‘ldi. Dastlabki ikki golni urib olganimiz uchun barchasi yaxshi kechdi.