AGMK – “Navbahor” uchrashuvidan so‘ng mezbonlar ustozi Mirjalol Qosimov quyidagicha fikr bildirdi:
- Bugun qiziqarli o‘yin guvohi bo‘ldik. Ilk daqiqalardan o‘yin so‘nggiga qadar jamoalar tezkor va chiroyli o‘yin ko‘rsatishdi. O‘yin boshida gol o‘tkazib yuborgach, oldinga o‘tishga majbur bo‘ldik. Natijada raqibda keyinchalik ham vaziyatlar yuzaga keldi. Bizda ham qulay imkoniyatlar yetarlicha bo‘ldi. Durang natija haqqoniy bo‘ldi, deya olaman. Yakunda raqib ham, biz ham g‘alaba qozonib ketishi mumkin edi. Shu o‘rinda hisobda ortda borsa-da oxirigacha kurashgan shogirdlarimga minnatdorchilik bildiraman, - dedi mutaxassis.
