Kopa Amerikaning dastlabki kichik sensasiyalaridan biri "V" guruhida qayd etildi. Musobaqada ilk marta ishtirok etayotgan Qatar terma jamoasi Janubiy Amerikaning kuchli termalaridan biri — Paragvay bilan jangovor durang o‘ynadi.

Uchrashuvning 2-daqiqasidayoq to‘p himoyachining qo‘liga tekkani bois hakam qatarliklar darvozasi tomon penalti belgiladi. Kordoso kuchli zarba bilan hisobni ochdi.

Ikkinchi bo‘lim boshida paragvayliklarning goli VAR tufayli bekor qilingan bo‘lsa, oradan ko‘p o‘tmasdan Gonsales olis masofadan raqib darvozasini ishg‘ol qildi — 2:0.

Ushbu goldan keyin o‘yin taqdiri hal bo‘lgandek edi go‘yo, ammo osiyoliklar taslim bo‘lishmadi. Dastlab Ali Almoyz jarima maydonchasi tashqarisidan aylanma zarba bilan to‘pni Fernandes qo‘riqlayotgan darvozaga joylab qo‘ydi. Uning goli chiroy borasida Gonsalesnikidan kam bo‘lmadi.

O‘yin tugashiga 13 daqiqa qolganida Qatar chiroyli kombinasiya tashkil qildi va Xuxiy yakkaka-yakka vaziyatga chiqib, darvozani ishg‘ol qildi — 2:2.

Tabiiyki, bu natija Paragvay terma jamoasi futbolchilarini qoniqtirmadi.

Amerika kubogi, "V" guruhi, 1-tur
Paragvay – Katar 2:2 (1:0, 1:2)
Gollar: 1:0 – 4, penalti Kardoso, 2:0 – 56 Gonsales, 2:1 – 68 Ali, 2:2 – 77 Xuxi.
Paragvay – Fernandes, Balbuena, Arsamendiya, Valdes, Alonso, Ortis, Roxas (Sanches, 79), Almiron, Peres (Gonsales, 46), Dominges (Iturbe, 83), Kardoso.
Katar – Ash-SHiyb, Salmon, Hassan, Pedru Migel, Ar-Roviy, Xatim (Budiaf, 88), Xuxiy, Madibo, Xolid, Afif, Ali.
Ogohlantirishlar: Madibo (11), Salman (26), Peres (40), Xassan (61), Xuxi (71), Balbuena (80).