19-20 iyun kunlari Tailandning Pattayya shahrida o‘zbek kurashi bo‘yicha yoshlar o‘rtasida Osiyo chempionati bo‘lib o‘tadi. Osiyo–Okeaniya kurash Konfederasiyasi taqvim rejasidan o‘rin olgan mazkur musobaqada 20 mamlakatdan 200 nafardan ziyod sportchi ishtirok etishi kutilmoqda.
Musobaqada O‘zbekiston terma jamoasi katta delegasiya bo‘lib qatnashadi. Unda 30 nafar yosh kurashchimiz qit’a chempionligi uchun bahs olib borishi belgilab qo‘yilgan. Hamyurtlarimiz bugun tunda Tailand safariga jo‘nab ketishadi.
Shuningdek, qit’a birinchiligi doirasida 18 iyun kuni Osiyo-Okeaniya kurash konfederasiyasining navbatdagi Kongress yig‘ilishi ham bo‘lib o‘tadi. Unda konfederasiyaga Laos, Bangladesh, Qirg‘iziston kabi yangi federasiyalar a’zolikka qabul qilinishi kutilmoqda.
