Bugun Jizzax viloyatida O‘zbekiston velosiped sporti federasiyasining taqvim rejasidan o‘rin olgan navbatdagi musobaqa start oldi. Shosse yo‘nalishi bo‘yicha o‘tkaziladigan mazkur musobaqa doirasida kattalar o‘rtasida mamlakat birinchiligi va 2001-2002, 2003-2004, 2005-2006 yillarda tug‘ilgan o‘smirlar uchun alohida klassifikasiyada federasiya kubogi bahslari bo‘lib o‘tadi. Unda Respublikamizning turli viloyatlaridan tashrif buyurgan 200 ga yaqin sportchi ishtirok etishi kutilmoqda.

Kattalar Jizzax-Zomin yo‘nalishi bo‘ylab o‘zaro bahs olib borishsa, kichik yoshdagi velosportchilarimiz o‘zlari uchun belgilangan masofalarda raqobat olib borishi belgilab qo‘yilgan. Ta’kidlash joiz, bu turnir kattalar terma jamoasi uchun Tokio Olimpiadasiga lisenzion ochko beruvchi musobaqalarga tayyorgarlik vazifasini ham o‘tab beradi. Musobaqa 22 iyungacha davom etadi.