Bugun "Andijon" jamoasining sport qarorgohida Andijon viloyati hokimi Shuhratbek Abdurahmonovning topshirig‘i bilan "Andijon" futbol klubi futbolchilari, murabbiylar, Andijon viloyat hokimi o‘rinbosari O‘tkirbek Ilxomovich Shukurov, viloyat sport boshqarmasi boshlig‘i O‘tkir Toshpo‘latov hamda viloyat futbol assosiasiyasi vise- prezidenti Bekzod Karimovlar o‘rtasida yig‘ilish bo‘lib o‘tdi.

Yig‘ilishdan ko‘zlangan asosiy maqsad - klub oldidagi katta bo‘lgan moliyaviy muammoni hal qilish, ikkinchi davraga tayyorgarlikni ko‘ngildagidek olib borish va tashkiliy masalalar haqida suhbat olib borildi.

Andijon viloyat hokimi o‘rinbosari O‘tkirbek Shukurov futbolchi va murabbiylarga shu kunlarda oylik-maosh berilishi, yuzaga kelgan moliyaviy inqiroz bosqichma-bosqich hal qilinishi haqida gapirib o‘tdi.