Mashhur saytlardan biri Transfermarktd.de "Barselona" klubi sardori Lionel Messining transfer narxini o‘zgartirdi.

Argentinalikning narxi endilikda 150 million yevro qilib belgilandi.

Avvalroq bu summa 160 mln yevroni tashkil qilayotgan edi.

Ta’kidlanishicha bu Messining yoshi bilan bog‘liq deb hisoblanmoqda, chunki iyun oyida u 32 yoshga to‘lgan edi.

Shunday qilib Messi dunyoning eng qimmat futbolchilar reytingida oltinchi o‘ringa tushib, o‘z o‘rnini Eden Azarga bo‘shatib berdi.

Ma’lumot uchun o‘tgan mavsumda Messi 50 ta o‘yinda 51 ta gol urgan va 21 ta gollik uzatma amalga oshirgan.