Frankfurter Rundschau nashri bergan ma’lumotiga ko‘ra, "Borussiya Dortmund" hujumchisi Andre Shyurrle "Ayntraxt" klubiga o‘tishi mumkin.

"Ayntraxt" mavsum boshlanishidan oldin hujum chizig‘ini kuchaytirish niyatida va nemis futbolchisini sotib olishga yoki ijaraga olishga urinmoqda.

Ma’lumot uchun, o‘tgan mavsumni "Fulxem" tarkibida ijarada o‘tkazgan Shyurrle 25 uchrashuvda maydonga tushib, 6 ta gol urgan.

Eslatib o‘tamiz, Shyurrlening «Borussiya» bilan tuzgan shartnomasi 2021-yilning iyunigacha amal qiladi.