"Bunyodkor"ning Minskdagi o‘quv-yig‘in mashg‘ulotlari yakunlandi.
Bugun yig‘in doirasidagi so‘nggi nazorat uchrashuvi o‘tkazildi. Rossiyaning «Smolenks» futbol klubiga qarshi o‘yin gollarga boy tarzda kechdi. Vadim Abramov mazkur bahsda bir kun avvalgi uchrashuvda maydonga tushmagan futbolchilarning xizmatidan foydalandi.
Hisob Rossiya jamoasi tomonidan ochildi. Lekin futbolchilarimiz uch daqiqa ichida ikkita gol bilan javob qaytardi. Ammo tanaffusga 2:2 hisobidagi durang bilan chiqib ketildi. Ikkinchi bo‘lim avvalida raqib uchinchi marta muvaffaqiyatga erishdi. O‘yin yakunlanishi arafasida Mirjahon Mirahmadov uchrashuvga nuqta qo‘ygan gol muallifiga aylandi.
O‘yindan so‘ng murabbiylar shtabi jamoa ko‘rigida bo‘lgan hujumchi Muhammad Diallo bilan do‘stona xayrlashdi. Qolgan ikki legioner Yevgeniy Chumak va Dmitriy Ostrovskiyning taqdiriga shu kunlarda oydinlik kiritiladi.
NAZORAT UCHRASHUVI
«SMOLENSK» (Rossiya) – «BUNYODKOR» - 3:3 (2:2)
«Smolensk»: Nikita Bajanov, Aleksandr Volkov, Semyon Yegorov, Ilya Davidov (Kirill Avximovich, 64), Maksim Kovalev, Maksim Stogov, Anton Vinokurov, Ivan Masigura (Ivan Fisunov, 46), Kirill Chernov, Vladislav Davidov, Maksim Akale.
«Bunyodkor»: Abdumavlon Abdujalilov, Sanjar Rixsiboyev (Mirjahon Mirahmadov, 46), Boburbek Farhodov, Muhammadodil Qahramonov, Yevgeniy Chumak, Nurillo To‘xtasinov, Valeriy Akopov (Abdulla Abdullayev, 46), Dmitriy Ostrovskiy, Jasurbek Jaloliddinov, Farrux Ikromov, Vladislav Nuriyev (Muhammad Diallo, 64).
Gollar: Maksim Akale, 30 – 1:0. Jasurbek Jaloliddinov, 36 – 1:1. Nurillo To‘xtasinov, 39 – 1:2. Maksim Stogov, 42 – 2:2. Vladislav Davidov, 56 – 3:2. Mirjahon Mirahmadov, 90 – 3:3.
