Hozirda braziliyalik yulduz Neymar va «PSJ» o‘rtasidagi munosabatlar keskinlashganidan xabaringiz bor. Futbolchi boshqa klubga o‘tishni istayotganini yashirib o‘tirmayapti.  Boz ustiga futbolchining otasining  Turin shahrida paydo bo‘lishi Neymarning «Yuventus» klubiga o‘tishi borasidagi mish – mishlarni urchitib yubordi. Neymar va Ronaldu so‘nggi paytlarda bir nechta reklama roliklarida birga suratga tushgani bois ancha qalin do‘stlarga aylanib qolishgani hech kimga sir emas.  Taniqli «Foot Bazza» nashri ushbu mavzu yuzasidan Ronaldu tomonidan Italiyalik jurnalistga berilgan intervyuni taqdim etdi. ( intervyu «Yuventus» va «Inter» jamoalari o‘rtasidagi bahsdan so‘ng olingan). Biz bu kichik intervyuni sizlar uchun ilindik.

Ronaldu

Neymarning «Yuventus»ga o‘tishi borasida biror narsa deyish mushkul. U ajoyib yigit. Inson sifatida uni hurmat qilaman. Agarda «Yuventus» uni sotib olishni istasa, bu meni faqat va faqat hursand qilgan bo‘lar edi. Sababi, u bizga yangi sovrinlarni qo‘lga kiritishda katta ko‘mak bergan bo‘lar edi. Ayniqsa, Chempionlar Ligasida uning yordami biz uchun juda muhim.

To‘g‘ri, men u bilan bir necha kun davomida birga bo‘ldim. Biz hamkorlarimiz tomonidan suratga olingan reklama roligida birga ishladik. U bilan juda ko‘plab mavzuda suhbat qurgan bo‘lsakda, biror marotaba menga «Yuventus» jamoasiga o‘tish borasida so‘z ochganicha yo‘q. O‘ylashimcha, uning transferi qachonki, o‘zi nima istayotganini bilsagina amalga oshishi mumkin. Hozirda uning kelajak uchun hech qanday rejasi yo‘qligi ko‘rinib turibdi. Qachonki reja paydo bo‘lsa, inson unga intilishni boshlaydi. Yangi jamoaga kelib qo‘shilish siz o‘ylaganchalik oson ish emas.

Boz ustiga katta summa evaziga keladigan futbolchilarning ma’suliyati ham ulkan bo‘ladi. Neymar singari futbolchining klubga kelishi birinchi navbatda Neymarning o‘ziga juda katta bosimni yuklashi turgan gap.