Dog‘iston Respublikasining Kaspiysk shahrida Magomed-Salam Umaxanov xotirasiga bag‘ishlangan xalqaro turnir davom etmoqda.
Avvalroq, Abdulhay Shorahmatov, Bilolbek Mirzarahimov va Timur Saidov raqiblarini mag‘lubiyatga uchratishgani haqida xabar qilgandik.
Shundan so‘ng kun davomida shuningdek yana 4 nafar bokschimiz ringga ko‘tarildi.
-64 kg vazn toifasida yurtimiz sharafini himoya qilgan Jahongir Rasulov rossiyalik bokschi Anatoliy Jirnovni 5:0 hisobida mag‘lubiyatga uchratdi.
-75 kg vaznli Akmurad Gaffarov ham mezbon sportchi Axmed Gadjiyevga xech qanday imkoniyat qoldirmadi - 5:0!
-91 kg vaznli hamyurtimiz Shahzod Sulaymonov Isroil vakili Muhammad Abu Kandilni 5:0 hisobida taslim etdi.
-75 kg vazn toifasida bahslarda qatnashayotgan Saidjamshid Jafarov ham rossiyalik Magomed Ashalayevni 5:0 hisobida mag‘lubiyatga uchratdi.
