Доғистон Республикасининг Каспийск шаҳрида Магомед-Салам Умаханов хотирасига бағишланган халқаро турнир давом этмоқда.
Аввалроқ, Абдулҳай Шораҳматов, Билолбек Мирзараҳимов ва Тимур Саидов рақибларини мағлубиятга учратишгани ҳақида хабар қилгандик.
Шундан сўнг кун давомида шунингдек яна 4 нафар боксчимиз рингга кўтарилди.
-64 кг вазн тоифасида юртимиз шарафини ҳимоя қилган Жаҳонгир Расулов россиялик боксчи Анатолий Жирновни 5:0 ҳисобида мағлубиятга учратди.
-75 кг вазнли Акмурад Гаффаров ҳам мезбон спортчи Ахмед Гаджиевга хеч қандай имконият қолдирмади - 5:0!
-91 кг вазнли ҳамюртимиз Шаҳзод Сулаймонов Исроил вакили Муҳаммад Абу Кандилни 5:0 ҳисобида таслим этди.
-75 кг вазн тоифасида баҳсларда қатнашаётган Саиджамшид Жафаров ҳам россиялик Магомед Ашалаевни 5:0 ҳисобида мағлубиятга учратди.
