Ushbu rukndagi so‘nggi yangiliklar bilan tanishtirishda davom etamiz.
Konselu Manchester shaxriga yo‘l oladi
Turinning «Yuventus» jamoasi futbolchisi Konselu o‘z faoliyatini «Manchester Siti»da davom ettirishi aniq bo‘lib ulgurdi. Futbolchi va uning agenti portugaliyalikning «Man Siti»ga o‘tishi yuz foiz aniq bo‘lganini, ikki klub o‘zaro kelishib olishsa bo‘lganini rasman e’lon qildi.
Tomonlar hozirda muzokalarni o‘tkazmoqda. «Yuve» o‘z futbolchisini 50 million yevrodan kamiga sotmoqchi emas. "Shaxarliklar" esa, ushbu summaning kattaroq qismini bonus tariqasida bermoqchi.
Eslatib o‘tamiz, Konselu o‘tgan mavsumda 25 ta uchrashuvda ishtirok etdi va 5 bor golli uzatmani amalga oshirdi. Shuningdek, uning hisobida 1 ta assist mavjud.
«Barselona» Rakitich borasida qaror qabul qildi
"Don Balon" nashri tarqatgan xabarlarga qaraganda, «Barselona» o‘z futbolchisini 50 million yevro evaziga qo‘yib yuborishga rozi bo‘lgan.
Hozirda Raktich bilan «Manchester Yunayted» jamoasi qizib qoldi. Gap shundaki, «qizil iblislar» Pol Pogba jamoadan ketsa, aynan Rakitichni xarid qilishni rejalashtirishmoqda. Shunindeg futbolchiga bir nechta xitoy klublaridan ham takliflar mavjud.
Xorvatiyalik futbolchining o‘zi yana bir yoki ikki mavsum bo‘lsada, Yevropada to‘p surishni istamoqda. Uning «Barselona» bilan tuzgan shartnomasi 2021 – yilda o‘z yakuniga yetadi.
«Vest Hem» futbolchisi grandlar nigohida
Angiliyaning «Vest Hem» jamoasi himoyachisi Issa Diop APL grandlari e’tibor markazida turibdi deb xabar tarqatmoqda «Le10sport» nashri. Fransiyalik futbolchining hizmatlari bilan «Arsenal» va «Manchester Yunayted» jamoalari qiziqb qolishgan.
Transfer oynasi ochilishi bilan «qizil iblislar» futbolchi uchun uning klubiga 55 million yevro va Fil Djonsni taklif etishgan bo‘lsada, rad javobini olishgan edi. Gap shundaki, «Vest Hem» o‘z himoyachisini 80 milliondan kamiga qo‘yib yubormoqchi emas.
Eslatib o‘tamiz, 22 yoshlik himoyachi o‘tgan mavsumda 33 ta uchrashuvda maydonga tushib bir bor gol kiritishga muvaffaq bo‘ldi.
«Arsenal» Hediraga shartnoma taklif qildi
Londonning «Arsenal» jamoasi «Yuventus» klubi yarim himoyachisi Sami Hediraga 2 yillik shartnoma taklif etdi.
Shunday bo‘lsada, germaniyalik futbolchi bu taklifga rozi bo‘lishga shoshilmayapti. Gap shundaki, «Arsenal» futbolchiga haftasiga 70 ming yevro maosh taklif qilmoqda. Hedira esa, Turin klubida kattaroq maosh oladi. Shu sababli futbolchi «Arsenal» tomonidan taklif qilgan shartnomaga hozircha qo‘l qo‘ygani yo‘q.
Futbolchining turin klubi bilan tuzgan shartnomasi hali o‘z yakuniga yetmagan bo‘lsada, «Yuventus» Hedirani tekinga qo‘yib yuborishga tayyor. Sababi, jamoa Hediraga to‘lanayotgan maoshni yangi kelgan futbolchilarga berishni reja qilmoqda.
SSKA va «Spartak» transfer nishonini boy bermoqda
Transfer oynasi ochilishi bilan Rossiyaning ikki grand klublari «Inter» jamoasi hujumchisi Pushkash uchun kurashga kirishgan edi.
«Inter» klubining rasmiy sayti tarqatgan xabarlarga qaraganda, 23 yoshlik futbolchi fransiyaning «Sent – Etyen» jamoasiga o‘tishga yaqin. Ruminayalik futbolchi borasida kechayotgan muzokaralar katta ehtimol bilan ijobiy yakunlanadigan ko‘rinadi. «Inter» iqtidorli futbolchini qayta sotib olish sharti bilangina qo‘yib yuborishga rozi bo‘lmoqchi.
Eslatib o‘tamiz, bundan bir hafta ilgari Moskvaning ikki klubi Pushkash borasida «Inter» jamoasiga taklif jo‘natgan edi.