Xalqaro chempionlar kubogi doirasida "Atletiko" va "Yuventus" jamoalari o‘zaro Shvesiyada to‘qnash kelishdi.

Jamoalar bahs boshidanoq ochiq o‘yin namoyish qila boshladi. Yaratilgan vaziyatni birinchi bo‘lib golga aylantirish madridliklarga nasib etdi. O‘ng qanotdan yetkazib berilgan uzatmani "matraschilar"ning yangi hujumchisi Joau Felish 12 metrlardan darvozaga joylab qo‘ydi.

"Yuventus" oradan ko‘p o‘tmasdan hisobni tenglashtirdi. Turinliklarning hujumi paytida to‘p Xediraga kelib tushdi va Sami 15 metrlardan darvozani aniq nishonga oldi.

Oradan 4 daqiqa o‘tib yana o‘sha Felish chiroyli gol muallifiga aylandi. Deyarli maydon markazidan yetkazilgan uzatma natijasida portugaliyalik futbolchi so‘nggi himoyachidan qochib ketdi va bitta urinishda "Yuventus" darvozasini zabt etdi.

Ikkinchi bo‘limda "Yuve" hisobni tenglashtirishi mumkin edi, ammo to‘p ikki marta "Atletiko" darvozasi ustuniga tegib qaytdi. Shu tariqa, Simeone shogirdlari 2:1 hisobida g‘alaba qozonishdi.

International Champions Cup
Solna, Shvesiya
Atletiko Ispaniya – Yuventus Italiya 2:1 (2:1, 0:0)
Gollar: 1:0 – 24 Joau Felish, 1:1 – 29 Xedira, 2:1 – 33 Joau Felish.
Atletiko – Oblak, Ximenes (Korrea, 56), Trippyer (Ermoso, 56), Savich (Errera, 57), Lodi (Sanches, 66), Koke (Felipe, 57), Lemar (Vitolo, 67), Saul (Rodrigo Rikelme, 66), Lyorente (Tomas, 46), Joau Felish (Aryas, 56), Morata (Diyego Kosta, 56; Shaponich, 90).
Yuventus – Shchensni (Buffon, 59), Kyellini (Bonuchchi, 46), Aleks Sandro (Kuadrado, 59), De Shilyo (Danilo, 71), de Ligt (Demiral, 71), Xedira (Matyuidi, 60), Rabyo (Jan, 71), Pyanich (Bentankur, 60), Duglas Kosta (Bernardeski, 60), Iguain (Dibala, 60), Ronaldu (Mandjukich, 71).
Ogohlantirishlar: Vitolo (69), Korrea (83).