O‘zbekiston Milliy Paralimpiya assosiasiyasi yangi raisi Muxtorxon Tashxodjayev Tokio-2020 Paralimpiya O‘yinlariga tayyorgarlik bo‘yicha sportchilar bilan yaqindan tanishmoqda.

Xabaringiz bor, joriy yilning 19 avgust kuni bo‘lib o‘tgan O‘zbekiston Milliy Paralimpiya assosiasiyasining navbatdan tashqari hisobot-saylov konferensiyasida Muxtorxon Maxsudovich Tashxodjayev tashkilotning yangi raxbari etib saylangan edi.

Bugun Toshkent shahrida joylashgan Paralimpiya markazida para-dzyudochilarimiz olib borayotgan o‘quv-mashg‘ulot yig‘iniga assosiasiyaning yangi raxbari Muxtorxon Tashxodjayev tashrif buyurdi va terma jamoamiz a’zolarining tayyorgarlik jarayonini kuzatdi. Mashg‘ulot davomida para-dzyudo bo‘yicha bosh murabbiy Shamsiddin Saidov yangi raxbarga sportchilarni birma-bir tanishtirib o‘tdi. Ta’kidlash joiz, para-dzyudochilarimiz ayni paytda 2-9 sentyabr kunlari Qozog‘istonda bo‘lib o‘tadigan Osiyo-Okeaniya chempionatiga tayyorgarlik ko‘rishmoqda.

Uchrashuv yakunida Muxtorxon Tashxodjayev chempionatda ishtirok etadigan paralimpiya sportchilariga omad va zafarlar tiladi.