Butun transfer oynasi davomida e’tiborni o‘ziga qaratgan Neymar seriali o‘z yakuniga yaqinlashib kelmoqda. Futbolchi «Liga 1» uchrashuvlarida ishtirok etishdan bosh tortdi va ochiqchasiga jamoadan ketmoqchi ekanligini oshkor qildi. Rossiyaning «Futbol-Futbol» nashri «Barselona» futbolchilarining Neymar transferi borasidagi eng so‘nggi intervyulari jamlanmasini taqdim etdi. Biz esa, uni sizlar uchun ilindik.
Luis Suarez
U kiyinish honasida jamoadoshlariga quvonch ulashadigan yigitlardan edi. Uning yuzlarida doimmo kulgu borligi atrofdagilarning kayfiyatiga jiddiy ta’sir o‘tkazadi.
Albatta men uni sog‘inaman, biroq biz Neymarsiz maydonda harakat qilishga ko‘nikib boryapmiz. U jamoadan ketgach, paydo bo‘lgan bo‘shliqni deyarli to‘ldirib bo‘ldik. Men sobiq jamoadoshim va do‘stim sifatida uni yana klubda ko‘rishni istagan bo‘lar edim. Afsuski, bu hech narsani o‘zgartirmaydi.
Joze Bartameu
Neymarning transferidan tushgan pulga biz Usman Dembele va Koutinyoni harid qildik. Ayni damda Usmon braziliyalik futbolchidan kuchliroq ko‘rinmoqda. Bundan tashqari, uning kelajagi ham juda porloq. U futbolning har jabhasida Neymarni ortda qoldira oladi.
Men Neymarnin ortga qaytish borasidagi savollarga javob berishni istamayman. Nega deysizmi? To‘g‘risi, shu mavzu ustida juda ko‘p bahs munozaralar ketmoqda. Transfer oynasi yopilmaguniga qadar bu transfer haqida ma’lumot berishga haqqim yo‘q.
Ronaldinyo
Hozirgi kunda Neymar dunyoning eng kuchli futbolchilaridan biri sanaladi. Uning PSJdagi o‘yinlarini tomosha qilishni yoqtiraman. Agarda u «Barselona»ga qaytadigan bo‘lsa, bundan faqat xursand bo‘lgan bo‘lar edim. Bir qarashda ilojsizdek tuyulayotgan transfer amalga oshishi mumkin. Bu futbol va unda hamma narsa bo‘lishiga tayyor turmoq lozim.
Leo Messi
Neymarning klubdan ketishi jamoaning taktik o‘yin uslubining tubdan o‘zgarishiga olib keldi. «Barselona» yaratuvchanlik borasida kuchli bo‘lgan futbolchisini yoqotgani bois hammasini boshidan tuzishga to‘g‘ri keldi.
Bu biz uchun yo‘qotishdek tuyulgan bo‘lsada, himoyadagi o‘yinimizni kuchaytirishimiz uchun imkoniyat yaratib bergani ham ayni haqiqat. Bundan tashqari biz maydon markazida ko‘proq to‘pni ushlab turishni boshladik. Bu esa, o‘z navbatida himoyadagi o‘yinimizni yanada kuchayishini ta’minladi. Men uning ortga qaytishi haqida hech qanday ma’lumotga ega emasman. Hammasi juda chigallashib ketgan. Shunday bo‘lsada, uning ortga qaytishidan faqat va faqat xursand bo‘lgan bo‘lar edim. U biz uchun maydon ichida ham uning tashqarisida ham juda qadrli futbolchi edi va shundayligicha qoladi.
