«Barselona» bosh murabbiyi Ernesto Valverde Ispaniya La ligasining 2-turi doirasida bo‘lib o‘tgan «Betis»ga qarshi o‘yin (5:2) borasida o‘z fikrlari bilan o‘rtoqlashdi.

«So‘nggi ikkita o‘yinimizni taqqoslaydigan bo‘lsak, «Atletik»ga qarshi o‘yinda ham ustunlikka erishib, mag‘lubiyatga uchragandik. Bu safar ham shunga o‘xshash bo‘ldi. Biz o‘yinni yaxshi boshlagan bo‘lsak-da, gol o‘tkazib yubordik va kambek qilishimizga to‘g‘ri keldi. Ba’zida o‘yinlar shunday bo‘ladi.

Birinchi bo‘limdagi o‘yinimiz yoqdi, lekin jamoa yutqazayotganida nimanidir o‘zgartirish kerakligi haqida o‘ylay boshlaysan. O‘tkazib yuborilgan goldan so‘ng Vidalni mashg‘ulot o‘tash uchun yubordim. U bizning zaxira variant edi. Biz gol urishimiz kerak edi. Hisob tenglashgandan keyin esa yaxshiroq o‘ynay boshladik va ikkinchi golni urdik.

Grizmann? U yuqori saviya namoyish qildi. Muxlislar undan shuni kutishmoqda. Lekin bu gap nafaqat unga, balki Peres va Rafinyaga ham tegishli. Men raqibni hurmat qilaman, ammo bugun Grizmann uchun muhim kun bo‘ldi.

Fatining debyuti? U yosh, ammo bunday vaziyatlardan chiqib ketish uchun u yetarli iqtidorga ega. Unda o‘ziga bo‘lgan ishonch va u tezkor. Barchasi uning o‘ziga bog‘liq», – dedi Valverde.