Yaponiyaning Tokio shahrida dzyudo bo‘yicha jahon chempionatining to‘rtinchi kuniga ham start berildi. E’tiborlisi, kun terma jamoamiz uchun kun muvaffaqiyatli boshlandi.
-81 kilogramm vazn toifasida yurtimiz sharafini himoya qilayotgan Sharofiddin Boltaboyev dastlab Moldaviya vakili Nikon Zaboroskiusni, ikkinchi davrada esa o‘tgan jahon chempionatining finalchisi, mezbonlar vakili Sotaro Fujivarani musobaqadan chiqarib yubordi. Yurtdoshimiz uchinchi davrada avstriyalik Shamil Borchashviliga qarshi tatamiga chiqadi.