Darhaqiqat, O‘zbeksiton terma jamoasi ham qariyb 30 yillik tarixga ega. Bu yillar davomida ko‘tarilishlardan tortib, pastga sho‘ng‘ishlar ham kuzatildi. Bu yillar davomida terma jamaomiz sharafini himoya qilgan futbolchilarni yodga olish maqsadida saytimiz hodimlari bilan ramziy terma jamoa tuzishga qaror qildik.
Darvozabon : Ignatiy Nesterov
Mana bir necha yillardan beri terma jamoamiz darvozasini ishonch bilan qo‘riqlab kelayotgan Nesterov so‘zsiz futbolimiz tarixidagi eng nomdor va ishonchli kipperlardan biri sifatida tarixda qoladi.
Himoyachilar
Vitaliy Denisov
O‘z faoliyatini Rossiya va Ukrainada o‘tkazgan qanot yarim himoyachimiz chinakam jangchi edi. Uning ko‘zlarida yonib turgan o‘t, muxlislarni yanada ruhlantirar, raqiblar uning qanotidan o‘ylanib hujumga o‘tishlariga to‘g‘ri kelar edi. Afsuski, Denisov hozirda terma jamoaga chaqirilmayapti, lekin uning termamiz uchun maydonda ter to‘kanini muxslislar unutganicha yo‘q.
Sahob Jo‘rayev
«Bunyodkor» jamoasidagi o‘yinlari bilan terma jamoaga chaqiruv olgan Sahob Jo‘rayevni ko‘pchilik unutmagan bo‘lsa, kerak.
O‘z davrida Sahob yurtimizning eng kuchli qanot himoyachilaridan biri edi. Uning qanotdagi chaqqon harakatlari, hujumkorligi terma jamoamiz uchun ham foydali edi. Ming afsuski, Sahob Jo‘rayev yuqori formada uzoq muddat o‘ynay olmadi. Shunday bo‘lsada, muxlislar uni tez-tez xotirlab turishlari aniq.
Andrey Fyodorov
«Neftchi» tarkibida o‘zining gullagan davrlarini o‘tkazgan himoyachi o‘z vaqtida Osiyodagi eng kuchli markaziy himoyachilardan biri sifatida qayd etilar edi. Hozirda murabbiy sifatida ish olib borayotgan qahramonimiz o‘z imidjini biroz tushirib qo‘ygan bo‘lsada, uning o‘yinlari ko‘pchilikning yodidan ko‘tarilganicha yo‘q.
Baxtiyor Ashurmatov
Bu pozisiyaga bir yo‘la ikki futbolchi da’vogarlik qilgan bo‘lsada, biz uni Baxtiyor Ashurmatovga loyiq ko‘rdik. To‘p uchun kurashlarda o‘zini ayamaydigan sobiq futbolchi muxlislarning yodida ishonchli o‘yinlari bilan qolgan bo‘lsa, ajab emas. Shunindek Anzur Ismoilov va Asror Aliqulov ham termamiz uchun ko‘p mehnati singgan futbolchilar bo‘lsada, biz aynan Ashurmatovni tanladik.
Yarim himoyachilar
Odil Ahmedov
Bu futbolchi haqida so‘z borar ekan, uning so‘nggi yillarda termamizning haloskori deb atasak, adashamagan bo‘lamiz. Odil terma jamoa uchun juda muhim gollarni kiritadi va kerakli soniyalarda ma’suliyatni o‘z bo‘yniga olib, millat jamoasini ortidan yetaklay oladi.
Server Jeparov
Bu ismni biroz unutgan bo‘lsangiz kerak?! Bundan 10 yil muqqadam bu yigitsiz terma jamoamizning yarim himoyasini tasavvur qilib bo‘lmas, terma jamoamizning har bir hujumi aynan shu futbolchi tomonidan boshlanar edi. Osiyoning ikki kara eng yaxshi futbolchisi sifatida futbolimiz tarixidan joy olgan yigit bu ramziy terma jamoaga loyiqligi borasida hech kimda shubha bo‘lmasa kerak.
«Vaqt oliy hakam» deganlaridek, Jeparov o‘z vaqtida terma jamoadagi o‘rnini yosh futbolchilarga bo‘shatib berishga qaror qildi. Umid qilamizki, uning o‘rnini egallaydigan futbolchilarimiz bu pozisiyada undan avval kimlar o‘ynaganini yodidan chiqarishmaydi.
Mirjalol Qosimov (Jamoa sardori)
O‘zbek futbolining hamma zamonlardagi eng kuchli futbolchisi! Bu insonga bundan ortiq ta’rifni berib bo‘lmaydi.
Hujumchilar
Maksim Shatskih
«Dinamo Kiyev» safida Madridning «Real» darvozasini ishg‘ol qilgan Vatandoshimiz Osiyoda ham millionlab muxlislarning qalbidan joy egallagani hech kimga sir emas. Maks terma jamoamizning sha’nini dunyo arenalarida munosob himoya qilgan futbolchilarimiz orasida peshqadamlardan sanaladi.
Aleksandr Geynrih
Muxlislarning yoqimtoyi bu ro‘yhatdan joy olishga haqli. To‘g‘ri, u va’da qilganidek, terma jamoani Mundialga olib chiqa olmadi, biroq uning bu maqsad yo‘lida qanchalar katta mehnat qilganini hammamiz ko‘rganmiz. Sasha so‘zsiz bu tarkibda bo‘lishga haqli
Eldor Shomurodov
Eldorning o‘yinlariga ko‘z tegib qolishidan cho‘chib uni tarkibga qo‘shish borasida rosa bosh qotirdik. Shunday bo‘lsada, ushbu ro‘yxatga qo‘shdik. Kuper va Karpin tomonidan qayta kashf etilgan futbolchimiz o‘sib bormoqda. Umid qilamizki, Shomurodov o‘z ustida ishlashdan to‘xtab qolmaydi va kelajakda terma jamoamizni JCHga olib chiqa oladigan darajadagi yetakchi futbolchiga aylanadi.
