Turinning “Yuventus” sardori va himoyachisi Jorjo Kyellini mashg‘ulot paytida og‘ir jarohat oldi va uzoq muddatga safdan chiqdi.
Klub matbuot xizmati xabariga ko‘ra, 35 yoshli futbolchining o‘ng tizzasi xochsimon paylari uzilib ketgan. Endi u jarrohlik stoliga yotadi.
Hozircha Kyellinining qachon tiklanib olishi ma’lum emas. Odatda bunday jarohatdan qutulish uchun kamida 6-9 oy muddat kerak bo‘ladi.
Eslatib o‘tamiz, futbolchi 2005 yildan beri “Yuventus” sharafini himoya qilmoqda. Uning shartnomasi 2020 yil yozigacha mo‘ljallangan.