Туриннинг “Ювентус” сардори ва ҳимоячиси Жоржо Кьеллини машғулот пайтида оғир жароҳат олди ва узоқ муддатга сафдан чиқди.
Клуб матбуот хизмати хабарига кўра, 35 ёшли футболчининг ўнг тиззаси хочсимон пайлари узилиб кетган. Энди у жарроҳлик столига ётади.
Ҳозирча Кьеллинининг қачон тикланиб олиши маълум эмас. Одатда бундай жароҳатдан қутулиш учун камида 6-9 ой муддат керак бўлади.
Эслатиб ўтамиз, футболчи 2005 йилдан бери “Ювентус” шарафини ҳимоя қилмоқда. Унинг шартномаси 2020 йил ёзигача мўлжалланган.
