Italiya chempionatining 6-turi doirasida "Inter" safarda "Sampdoriya"ga qarshi bahs olib bordi. Mazkur o‘yinda "neradzurri"ning yangi futbolchisi Aleksis Sanches zaxiradan maydonga tushdi.

Uchrashuvning 20-daqiqasida Sensi hisobni ochgan bo‘lsa, oradan 2 daqiqa o‘tib chililik futbolchi hisobdagi farqni oshirdi.

Ammo birinchi bo‘lim tugash arafasida Aleksis Sanches qo‘pollik uchun ogohlantirish olgan bo‘lsa, ikkinchi bo‘lim boshida simulyasiya uchun ikkinchi sariq kartochkani olib, maydonni tark etdi.

Mezbonlar oradan ko‘p o‘tmasdan Yakup Yanktoning goli evaziga hisobdagi farqni qisqartirishdi. Bahsning 61-daqiqasida esa milanliklar bir kishi kam bo‘lib o‘ynayotganlariga qaramay, uchinchi gol urishdi. Gol muallifi — Roberto Galyardini.

Ushbu hisob o‘yin oxirigacha o‘zgarmay qoldi. "Inter" mavsumdagi dastlabki 6ta o‘yinda oltinchi g‘alabani qo‘lga kiritib, A seriya jadvalida peshqadamlik qilmoqda.

Italiya A seriyasi, 6-tur
Sampdoriya – Inter 1:3 (0:2, 1:1)
Gollar: 0:1 – 20 Sensi, 0:2 – 22 Sanches, 1:2 – 55 Yankto, 1:3 – 61 Galyardini.
Sampdoriya – Audero, Bereshinski, Shabo, Kolli, Depaoli (Bonassoli, 56), Linetti (Kaprari, 73), Ekdal (Ronaldu Viyeyra, 69), Yankto, Murru, Rigoni, Kualyarella.
Inter – Xandanovich, Shkrinyar, de Vrey, Bastoni, Kandreva (D`Ambrozio, 57), Galyardini, Brozovich, Sensi (Barella, 65), Asamoa, Sanches, Martines (Lukaku, 56).
Ogohlantirishlar: Bastoni (10), Rigoni (16), Linetti (33), Sanches (43), Shkrinyar (81).
Chetlatish: Sanches (46).