"Liverpul" yarim himoyachisi Xarvi Elliot Angliya futbol uyushmasi tomonidan 14 kunlik muddat davomida (24 oktyabrgacha) barcha ichki musobaqalarda ishtirok etish huquqidan mahrum qilindi.
Bu haqda Liverpool Echo xabar bermoqda.
16 yoshli "Liverpul" futbolchisi "Tottenxem" va Angliya terma jamoasi hujumchisi Xarri Keynga odobsizlarcha haqorat qilgan.
Elliot videoni suratga olgan va uni ijtimoiy tarmoqlar orqali baham ko‘rdi.
Keyinchalik videoni Elliotning o‘zi olib tashlab, Keyndan yuz bergan voqea uchun uzr so‘radi:
"Shuni ta’kidlashni istardimki, video mazmunida mening kimligim va qanday qilib ulg‘ayganim aks etmaydi. Chin dildan afsuslanaman. 16 yoshida ko‘p odamlar o‘ylamasdan xatti-harakatlar qilishadi va keyinchalik afsuslanishadi", - dedi Xarvi.
Xarri Keyn bu vaziyatga qanday munosabatda bo‘lganligi hozircha noma’lum.
