"Ливерпуль" ярим ҳимоячиси Харви Эллиот Англия футбол уюшмаси томонидан 14 кунлик муддат давомида (24 октябргача) барча ички мусобақаларда иштирок этиш ҳуқуқидан маҳрум қилинди.
Бу ҳақда Liverpool Echo хабар бермоқда.
16 ёшли "Ливерпуль" футболчиси "Тоттенхэм" ва Англия терма жамоаси ҳужумчиси Харри Кейнга одобсизларча ҳақорат қилган.
Эллиот видеони суратга олган ва уни ижтимоий тармоқлар орқали баҳам кўрди.
Кейинчалик видеони Эллиотнинг ўзи олиб ташлаб, Кейндан юз берган воқеа учун узр сўради:
"Шуни таъкидлашни истардимки, видео мазмунида менинг кимлигим ва қандай қилиб улғайганим акс этмайди. Чин дилдан афсусланаман. 16 ёшида кўп одамлар ўйламасдан хатти-ҳаракатлар қилишади ва кейинчалик афсусланишади", - деди Харви.
Харри Кейн бу вазиятга қандай муносабатда бўлганлиги ҳозирча номаълум.
