Rossiya chempionatining 14-turi doirasida «Rostov» o‘z uyida «Sochi»ni qabul qilib, ishonchli g‘alabani qo‘lga kiritdi.

Birinchi bo‘lim tugashiga 4 daqiqa qolganida mezbonlar hisobni ochishdi. Roman Yeryomenkoning zarbasidan so‘ng to‘p to‘rga borib tushdi.

Karpin shogirdlari ikkinchi golni urish uchun deyarli 40 daqiqa kerak bo‘ldi. Yana o‘sha Yeryomenkoning so‘ng to‘p himoyachi Nabiullinga tegib, o‘z yo‘nalishini o‘zgartirdi va darvozadan o‘rin oldi.

Eldor Shomurodov uchrashuvni asosiy tarkibda boshlab, o‘yinda to‘liq harakat qildi. Ushbu g‘alabadan keyin "Rostov" o‘z ochkolarini 29taga yetkazib, 3-o‘ringa ko‘tarilib oldi.

Rossiya premyer-ligasi, 14-tur
Rostov – Sochi 2:0 (1:0, 1:0)
Gollar: 1:0 – 41 Yeremenko, 2:0 – 79, avtogol Nabiullin.
Rostov – Baburin, Chernov, Xadjikadunich, Chistyakov, Kozlov, Yeremenko, Popov, Bayramyan (Zaynutdinov, 63), Normann (Glebov, 86), Ionov (Saplinov, 75), Shomurodov.
Sochi – Djanayev, Yurganov, Kalugin, Nabiullin, Sallagov (Poloz, 76), Noboa, Pomerko, Mostovoy, Burmistrov (Baxtiyarov, 87), Mevlya, Zabolotniy (Karapetyan, 71).
Ogohlantirishlar: Popov (88), Glebov (90).