Italiyaning «Milana» klubi bosh murabbiyi Stefano Pioli “Roma” jamoasiga qarshi uchrashuvda shogirdlaridan ko‘proq narsa kutganini tan oldi.
«Men ko‘proq narsa kutgandim. Biz so‘nggi o‘yinlarda juda ko‘plab xatolarga yo‘l qo‘ydik. Jamoadagi vaziyat qiyin ekanligini rad etishdan ma’no yo‘q. Biz qo‘pol va oddiy xatolarga yo‘l qo‘yishda davom etyapmiz. Bugungi o‘tkazib yuborilgan ikki gol ham o‘zimizning xatoimiz sababli bo‘ldi.
«Roma» klubi pressing uyushtirishini bilardik, biroq, shunday bo‘lsada, oddiy vaziyatlarda ham to‘pni osonlik bilan yo‘qotdik. Bundan tashqari, raqibda savlatli futbolchilar borligini hisobga olib, standart vaziyatlarda xavfli o‘yin namoyish etishini ham bilardik. Garchi, shunday bo‘lsada bu borada raqibga qarshilik qila olmadik.
O‘tgan turda «Lechche»ga qarshi o‘tkazgan uchrashuvimizga qaraganda, bugun juda yomon o‘ynadik. Agar to‘p himoya chizig‘idan hujum chizig‘iga sekin yetkazib berilsa, u holda hujum uyushtirish juda mushkul bo‘ladi», — Piolining so‘zlaridan iqtibos keltirmoqda Football Italia.
