“Nasaf” bosh murabbiyi Ro‘ziqul Berdiyev “Navbahor”ga qarshi yo‘indan so‘ng quyidagi fikrlarni bildirib o‘tdi.

- O‘yin yuqori saviyada o‘tdi. Muxlislarning qo‘llab-quvvatlashlari ostida bahs keskin kurashlarga boy hamda shiddatli tarzda kechdi. Birinchi bo‘limda shogirdlarim mezbonlarga qaraganda, ko‘proq xavfli vaziyatlarni yaratishdi. Ammo “Navbahor” darvozaboni O‘tkir Yusupov 3 marta jamoasini muqarrar goldan asrab qoldi.

O‘z darvozamizdan to‘p o‘tkazib yuborganimizdan keyin ham yigitlar oxirigacha kurashishdi va yakunda durangga erishishga muvaffaq bo‘ldik.

Albatta yutqazib turib, durangga erishish ham “Nasaf” kabi yosh jamoa uchun ijobiy natija.

Birinchi davradagi “Navbahor” hozirgisidan kuchli edi.