Yevropa chempionlar ligasining 4-turi doirasidan o‘rin olgan o‘yinlar yakuniga yetdi.

"A" guruhida "Real" o‘z uyida "Galatasaroy"ni qabul qilib, yirik hisobda g‘alaba qozondi — 6:0. Madridliklarning 18 yoshli futbolchisi Rodrigo nafaqat uchrashuvning dastlabki 7 daqiqasida ikkita gol urdi, balki u "xet-trik"ni ham rasmiylashtirdi. Benzema deblga erishgan bo‘lsa, Ramos penaltidan bitta to‘p kiritdi.

Ushbu g‘alabadan keyin "Qirollik klubi" o‘z ochkolarini 7taga yetkazib oldi.

Yevropa chempionlar ligasi, 4-tur.
"A" guruhi
Real Madrid Ispaniya – Galatasaroy Turkiya 6:0 (4:0, 2:0)
Gollar: 1:0 – 4 Rodrigo, 2:0 – 7 Rodrigo, 3:0 – 14, penalti Ramos, 4:0 – 45 Benzema, 5:0 – 81 Benzema, 6:0 – 90 Rodrigo.
Real Madrid – Kurtua, Karvaxal, Varan, Ramos, Marselo (Mendi, 42), Valverde, Kazemiro (Modrich, 60), Kroos, Rodrigo, Benzema, Azar (Isko, 68).
Galatasaroy – Muslera, Mariano, Luyindama, Markao Teysheyra, Nagatomo (Byuyuk, 88), Seri, Nzonzi (Bayram, 46), Lemina, Feguli, Andone (Donk, 46), Babel.
Ogohlantirishlar: Nzonzi (13), Valverde (42), Babel (57).