Angliyaning «Liverpul» klubi himoyachisi Virdjil van Deyk APLning 12-turida «Manchester Siti» klubiga qarshi bo‘ladigan uchrashuvdan oldinga fikrlari bilan o‘rtoqlashdi.

— Mavsum boshidan beri endi 11 ta uchrashuv o‘tkazildi. «Siti» — fantastik jamoa. Biroq, o‘tgan mavsumda sovrin uchun kurash olib borganimizda bizda vahima yo‘q edi. Hozir ham o‘zimda qo‘rquv sezmayapman. Maydonga chiqayotganingda qo‘rqmasliging kerak. «Liverpul» futbolchilarida “Siti”ga qarshi o‘yindan oldin qo‘rquv yo‘q.Ortga nazar tashlaydigan bo‘lsak va o‘tkazilgan o‘yinlarimizni hisobga oladigan bo‘lsak, istalgan raqibni mag‘lub etishga qodirmiz. «Man Siti»ga qarshi uchrashuv biz uchun yaxshi sinov bo‘ladi.Ular chempion, tarkibida yetakchi futbolchilar bor, ajoyib murabbiy boshqaradi va o‘zining o‘yin uslubiga ega jamoa. Ularni mag‘lub etish qiyin”, — dedi van Deyk Goal.com portaliga.