Yevropa chempionlar ligasining amaldagi g‘olibi — "Liverpul" uchun ushbu mavsumning guruh bosqichi oson kechmayapti. Yurgen Klopp shogirdlari 5-turda "Napoli"ni qabul qilib, durangga imzo chekishdi.

Birinchi bo‘limning 21-daqiqasida neapolliklar Dris Mertensning goli evaziga hisobni ochishdi. Ikkinchi bo‘lim o‘rtalarida esa Lovren mersisaydliklar bir ochko keltirgan gol muallifiga aylandi. Ushbu durangdan keyin "Liverpul"ning ochkolari 10taga, "Napoli"niki esa 9taga yetdi.

Ushbu guruhda ishtirok etayotgan "Zalsburg" jamoasi safarda "Genk" 4:1 hisobida g‘alaba qozonib, o‘z ochkolarini 7taga yetkazib oldi. Avstriyaliklar so‘nggi turda o‘z maydonlarida "Liverpul"ni qabul qiladilar. "Zalsburg" o‘sha o‘yinda 2ta to‘p farqi bilan g‘alaba qozonsa, amaldagi chempion guruh bosqichida qolib ketishi mumkin.

Yevropa chempionlar ligasi
"E" guruhi, 5-tur
Liverpul Angliya – Napoli Italiya 1:1 (0:1, 1:0)
Gollar: 0:1 – 21 Mertens, 1:1 – 65 Lovren.
Liverpul – Alisson, Robertson, Gomes (Oksleyd-CHemberlen, 57), van Deyk, Lovren, Milner (Aleksander-Arnold, 78), Fabinyo (Veynaldum, 19), Xenderson, Mane, Firmino, Salax.
Napoli – Meret, Di Lorenso, Kulibali, Manolas, Mariu Ruy, Fabian Ruis, Zelinski (Yunes, 85), Losano (Lyorente, 72), Allan, Maksimovich, Mertens (Elmaz, 81).
Ogohlantirishlar: Kulibali (90), Robertson (90), Allan (90).
 
Genk Belgiya – Red Bull Avstriya 1:4 (0:2, 1:2)
Gollar: 0:1 – 43 Daka, 0:2 – 45 Minamino, 0:3 – 69 Xvan Xi Chxan, 1:3 – 85 Samatta, 1:4 – 87 Xoland.
Genk – Kauke, De Norre, Kuesta, Devast, Mele, Ito (Xadji, 79), Groshovski (Onuachu, 59), Peyntsil (Bongonda, 65), Berge, Lukumi, Samatta.
Red Bull – Karlos, Veber, Ulmer, Ongene, Kristensen, Yunuzovich, Soboslai (Okugava, 80), Mvepu, Daka (Xoland, 62), Xvan Xi Chxan, Minamino (Fallsi, 89).
Ogohlantirishlar: Yunuzovich (21), Kristensen (46), Samatta (74).