Европа чемпионлар лигасининг амалдаги ғолиби — "Ливерпуль" учун ушбу мавсумнинг гуруҳ босқичи осон кечмаяпти. Юрген Клопп шогирдлари 5-турда "Наполи"ни қабул қилиб, дурангга имзо чекишди.

Биринчи бўлимнинг 21-дақиқасида неаполликлар Дрис Мертенснинг голи эвазига ҳисобни очишди. Иккинчи бўлим ўрталарида эса Ловрен мерсисайдликлар бир очко келтирган гол муаллифига айланди. Ушбу дурангдан кейин "Ливерпуль"нинг очколари 10тага, "Наполи"ники эса 9тага етди.

Ушбу гуруҳда иштирок этаётган "Зальцбург" жамоаси сафарда "Генк" 4:1 ҳисобида ғалаба қозониб, ўз очколарини 7тага етказиб олди. Австрияликлар сўнгги турда ўз майдонларида "Ливерпуль"ни қабул қиладилар. "Зальцбург" ўша ўйинда 2та тўп фарқи билан ғалаба қозонса, амалдаги чемпион гуруҳ босқичида қолиб кетиши мумкин.

Европа чемпионлар лигаси
"E" гуруҳи, 5-тур
Ливерпуль Англия – Наполи Италия 1:1 (0:1, 1:0)
Голлар: 0:1 – 21 Мертенс, 1:1 – 65 Ловрен.
Ливерпуль – Алиссон, Робертсон, Гомес (Окслейд-Чемберлен, 57), ван Дейк, Ловрен, Милнер (Александер-Арнолд, 78), Фабиньо (Вейналдум, 19), Хендерсон, Мане, Фирмино, Салах.
Наполи – Мерет, Ди Лоренцо, Кулибали, Манолас, Мариу Руй, Фабиан Руис, Зелиньски (Юнес, 85), Лосано (Льоренте, 72), Аллан, Максимович, Мертенс (Элмаз, 81).
Огоҳлантиришлар: Кулибали (90), Робертсон (90), Аллан (90).
 
Генк Бельгия – Ред Булл Австрия 1:4 (0:2, 1:2)
Голлар: 0:1 – 43 Дака, 0:2 – 45 Минамино, 0:3 – 69 Хван Хи Чхан, 1:3 – 85 Саматта, 1:4 – 87 Холанд.
Генк – Кауке, Де Норре, Куэста, Деваст, Мэле, Ито (Хаджи, 79), Грошовски (Онуачу, 59), Пэйнтсил (Бонгонда, 65), Берге, Лукуми, Саматта.
Ред Булл – Карлос, Вебер, Ульмер, Онгене, Кристенсен, Юнузович, Собослаи (Окугава, 80), Мвепу, Дака (Холанд, 62), Хван Хи Чхан, Минамино (Фалльци, 89).
Огоҳлантиришлар: Юнузович (21), Кристенсен (46), Саматта (74).