Portugaliya terma jamoasi bosh murabbiyi Fernandu Santush Yevro-2020 qur’a natijalari borasida o‘z fikrlarini bildirib o‘tdi.

Eslatib o‘tamiz, Portugaliya terma jamoasi Fransiya va Germaniya bilan "F" guruhidan o‘rin oldi. To‘rtinchi jamoa saralash pley-off bosqichidan so‘ng aniq bo‘ladi.

«Bunday bo‘lishini hech kim istamagan edi. Portugaliya ham buni istamagandi, shuningdek, Germaniya va Fransiya ham biz bilan o‘ynashni xohlamagandi. Hech kim uchinchi savatchadagi Portugaliya bilan bir guruhga tushishni istamas edi. Bu qur’a. U ikki favorit va bir yetakchini bir guruhga tushirdi.

Biz aynan shunday guruhga tushishimizni his qilgandim. O‘ylagan narsam ro‘y berdi. Germaniya va Fransiya bilan bir guruhdan o‘rin olgan bo‘lsak-da, biz musobaqada g‘oliblik uchun da’vogarlar safidan chiqmadik. Bu jamoalar bir-birini yaxshi biladi. Muxlislar uchta ajoyib jamoa ishtirokidagi o‘yinlarga guvoh bo‘lishadi.

Ishonchim komil, biz har qanday raqibga qarshi o‘ynay olamiz. Portugaliyani mag‘lub etish oson emasligini ular bilishadi», – dedi Santush.