Italiyaning “Napoli” klubi bosh murabbiyi Karlo Anchelotti o‘z o‘rniga Jennaro Gattuzo kelishi mumkinligi haqidagi xabarlarga fikr bildirdi.
“Napoli” 15-tur doirasida “Udineze”ni mag‘lub eta olmadi, shundan so‘ng Italiya OAVlari Karlo Anchelottining taqdiri qil ustida turganligi haqida yozishni boshladi.
"Optimist bo‘lishni xohlayman va hammasi tezda joyiga tushishiga ishonaman, – dedi bosh murabbiy Sky Sport Italia nashriga bergan intervyusida. – Birinchi bo‘limda futbolchilar o‘rtasida tushunmovchiliklar sodir bo‘ldi, biroq tanaffusdan keyin ular o‘z o‘yinlarini topa olishdi. Umid qilamanki, seshanba kuni “Genk” klubiga qarshi yaxshi o‘yin namoyish etamiz va YECHLda kurashni davom ettiramiz, bu bizga qo‘shimcha kuch bag‘ishlaydi".
Shuningdek, Anchelotti Jennaro Gattuzoni o‘z o‘rniga kelishi haqida ham fikr bildirdi: "Rino bilan munosabatimiz xuddi aka-ukalardek va agar unga kimdir “Napoli”ni boshqarish haqida taklif qilgan bo‘lsa, u menga bu taklif borasida gapirgan bo‘lardi.Bu gap prezidentimizga ham tegishli, u ham bu xabar haqida jim turmagan bo‘lardi.Biroq, o‘z tajribamdan kelib chiqib aytishimiz kerakki, har narsa sodir bo‘lishi mumkin. Ammo iste’fo meni havotirga solmayapti".