Italiyaning "Inter" klubi bosh murabbiyi Antonio Konte YECHL doirasida "Barselona" klubiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.
"Guruhning so‘nggi uchrashuvida keyingi bosqichga chiqish uchun kurash olib borayotganimizdan faxrlanamiz. So‘nggi paytlarda jamoa ko‘p o‘yin o‘tkazdi, o‘ylaymanki, sezilarli o‘sishga erishdik. Birinchi uchrashuvda “Barselona”ga qarshi yaxshi o‘yin namoyish etgandik, o‘sha bahsda “Barsa” ma’lum muddat ustunlikka erishgan holda g‘alaba qozongan edi.
Jarohatlar sabab tarkibimizda yo‘qotishlar bor, shu bois, birinchi uchrashuvimizdagi tarkibimizga qaraganda bugun o‘zgartirish kiritishga majburmiz. Raqibning kuchli futbolchilariga qarshi yakka kurashlarda imkoniyatni boy bermasligimiz uchun va raqib hujumlari keskinligini kamaytirish uchun jamoani tayyorladim.“Barselona”ning kombinasion o‘yinlariga osonlikcha taslim bo‘ladi deb o‘ylash bema’nilik. Ammo, biz dadil o‘ynashimiz, himoyada ishonchli o‘ynish namoyish etishimiz va raqib yaratadigan muammolarga tayyor turishimiz kerak", - dedi Konte UEFA rasmiy saytiga.