Moskvaning «Spartak» klubi sobiq futbolchisi Aleksandr Bubnov Yevrokuboklarni tark etgan Rossiyaning barcha klublari haqida fikr bildirdi.
«Chempionat saviyasi qanday aniqlanadi? Yevrokuboklarda qayd etilayotgan natijalar orqali aniqlanadi. Klublarimiz juda yomon ishtirok etishdi — oltita klubimizning bittasi ham keyingi bosqichga o‘ta olmadi… RPL va mahalliy klublarimizning saviyasi shunaqa. Buni o‘zgartirish uchun milliy musobaqalardagi qayd etayotgan natijadan qoniqmasdan, saviyani Yevropa darajasiga ko‘tarish kerak. RPLda hech kim Ispaniya, Angliya yoki Germaniya chempionatlari singari tezlikda o‘ynamaydi», — Bubnovning so‘zlaridan iqtibos keltirmoqda Sportbox.