Москванинг «Спартак» клуби собиқ футболчиси Александр Бубнов Еврокубокларни тарк этган Россиянинг барча клублари ҳақида фикр билдирди.
«Чемпионат савияси қандай аниқланади? Еврокубокларда қайд этилаётган натижалар орқали аниқланади. Клубларимиз жуда ёмон иштирок этишди — олтита клубимизнинг биттаси ҳам кейинги босқичга ўта олмади… РПЛ ва маҳаллий клубларимизнинг савияси шунақа. Буни ўзгартириш учун миллий мусобақалардаги қайд этаётган натижадан қониқмасдан, савияни Европа даражасига кўтариш керак. РПЛда ҳеч ким Испания, Англия ёки Германия чемпионатлари сингари тезликда ўйнамайди», — Бубновнинг сўзларидан иқтибос келтирмоқда Sportbox.