Qatarda bo‘lib o‘tayotgan klublar o‘rtasidagi jahon chempionati finalida Braziliyalikning "Flamengo" va Angliyaning "Liverpul" klublari to‘qnash kelishdi.

Uchrashuvning asosiy vaqtida hisob ochilmadi. Bir tomondan to‘pning darvozaga kirmagani jamoalarning biroz sustroq o‘ynagani sabab bo‘lgan bo‘lsa, boshqa tomondan mahoratli futbolchilar juda qulay imkoniyatlardan foydalana olishmadi.

Ikkinchi bo‘limga qo‘shib berilgan daqiqalarda qatarlik "Flamengo" darvozasi tomon penalti belgilab, so‘ngra videotakrorni ko‘rgach, o‘z qarorini bekor qildi.

Qo‘shimcha bo‘limlarning dastlabkisida Klopp shogirdlari hisobni ochishdi.  Xendersonning ajoyib uzatmasidan keyin Mane jarima maydoni tashqarisida to‘pni to‘xtatdi va yordamga kelgan Firminoga pas berdi. Braziliyalik futbolchi bir himoyachini chalg‘itib deyarli bo‘sh qolgan darvozaga to‘pni joyladi.

118-daqiqada esa braziliyaliklar hisobni tenglashtirishlari mumkin edi. Ammo Linkoln juda yaqin masofadan darvozaga aniq zarba bera olmadi.

Shu tariqa, deyarli tengkurashlar ostida kechgan uchrashuvda "Liverpul" qiyinchilik bilan g‘alaba qozonib, klublar o‘rtasidagi jahon chempionligini qo‘lga kiritdi.

Klublar o‘rtasida jahon chempionati, final
Liverpul Angliya – Flamengo Braziliya 1:0 (0:0, 0:0, 1:0, 0:0).
Asosiy vaqt — 0:0. Qo‘shimcha bo‘limlar — 1:0.
Gol: 1:0 – 99 Firmino.
Liverpul – Alisson, Aleksander-Arnold, Gomes, Robertson, van Deyk, Keyta (Milner, 100), Oksleyd-CHemberlen (Lallana, 75), Xenderson, Mane, Saloh (Shakiri, 120), Firmino (Origi, 105).
Flamengo – Diyego Alves, Rafinya, Filipe Luis, Mari, Rodrigo Kayo, de Arraskaeta (Vitinyo, 77), Jerson (Linkoln, 102), Everton Ribeyro (Diyego, 82), Arao (Berrio, 120), Gabriel Barboza, Bruno Enrike.
Ogohlantirishlar: Mane (45), Saloh (81), Vitinyo (90), Firmino (100), Milner (105), Diyego (112).