Angliya chempionatining so‘nggi 4ta tur o‘yinlari futbolchilar uchun ancha og‘ir keldi. 13 kun oralig‘ida — 21 dekabrdan 2 yanvargacha bo‘lgan muddatda o‘tkazilgan uchrashuvlarda 74 nafar futbolchi jarohat oldi.

Eng ko‘p jabr chekkan klub «Nyukasl» bo‘ldi — 9 futbolchi safdan chiqdi. «Chelsi» va «Tottenxem»ning 5 nafardan, «Liverpul», «Manchester Siti» va «Arsenal»ning 4 nafardan futbolchilar jarohat olishdi.

Bu davrdan jarohatsiz chiqqan birorta jamoa bo‘lmadi. Jamoalar kamida bir o‘yinchini ma’lum vaqtga yo‘qotishdi.