18 yanvar Qirollik klubi La liga doirasidagi 20-tur uchrashuvini “Sevilya” bilan o‘tkazadi. Kuchli to‘rtlikda borayotgan klublar o‘rtasidagi bahs hamisha shiddatli kechadi.

“Real” uchun motivasiya yetarli: Aslo va aslo qo‘shhokimlikdan qolib ketmaslik va o‘z g‘alabasi bilan ta’qibchisi bo‘lmish “Sevilya”dan sakkiz ochkoga o‘zib ketish!

Sevilyaliklar uchun esa, tabiiyki, “Real”ga yetib olish uchun uch ochko zarar qilmasdi. Shuningdek, bosh murabbiy Lopetegining ham Qirollik klubi bilan o‘ziga yarasha hisob-kitobi bor.

Statistikaga murojaat qiladigan bo‘lsak, mehmonlarga u qadar havas qilolmaymiz. Chunki “Bernabeu”da “Sevilya” oxirgi marta 2008 yili yenggan ekan. Lekin bu mavsum uyidagi o‘yinlariga qaraganda mehmonda yaxshiroq o‘ynayapti.

 Xullas, qaysidir fakt ularning qo‘lidan ushlaydi ertaga.

Kayfiyat borasida “Real” ustun, albatta. Zidan shogirdlari yilni Superkubok bilan boshlashdi. Hordiq ham yetarlicha bo‘ldi. Bu paytda Lopetegi jamoasi kamtar “Eskobedo”ni kubok bahsida mag‘lub etdi.

Madridliklar tarkibida o‘yinni Valverde o‘tkazib yuboradi – superkubok finalidagi qizil kartochka ushbu uchrashuvga ham o‘z ta’sirini o‘tkazgan. Azar va Asensio hali qaytmagan. Qolganlar joyida.

Tomosha qilishli vaqt – 20:00! Birga kuzatamiz, azizlar!