"Rostov" bilan nazorat bahsida "Paxtakor"1:1 hisobida durang o‘ynadi.
Shota Arveladze mazkur bahsda asosiy tarkibda deyarli o‘tgan mavsumdagi 11 futbolchidan foydalandi, faqat o‘ng qanotda Alijonov o‘rnini Salimov egalladi. Birinchi bo‘limda "Paxtakor" vaziyatlar yaratishda kichik ustunlikka ega bo‘ldi. Bir holatda Sergeevning aniq zarbasidan keyin raqib posboni to‘pni qaytarib qoldi.
Ikkinchi bo‘lim boshida "sherlar" hisobni ochdi. Masharipovning oshirgan to‘pidan keyin Sayfiyev boshi bilan darvozani ishg‘ol qildi. Ikkinchi bo‘lim o‘rtalarida maydondagi barcha futbolchilar almashtirildi. 85-daqiqada hakam belgilagan penaltidan Roman Yeremenko unumli foydalanib, hisobni tenglashtirdi. Birinchi nazorat o‘yinida "Paxtakor" "Rostov" bilan 1:1 hisobida durang o‘ynadi. Ikkinchi bahs 25 yanvar kuni Slovakiyaning "Jilina" jamoasi bilan bo‘lib o‘tadi.
"PAXTAKOR" - "ROSTOV" - 1:1 (0:0)
"Paxtakor": Suyunov, Salimov (Yo‘ldoshev, 63), A’zamov (Eshmurodov, 63), Krimes (Ismoilov, 63), Sayfiyev (Kozak, 63), Hamrobekov (Xolmatov, 63), Sobirxo‘jayev (Iminov, 15; Roziyev, 80), Hamdamov (Mahmudhojiyev, 63), Cheran (Abdurahimov, 63), Masharipov (Sobirjonov, 63), Sergeev (Hoshimov, 63).
"Rostov": Sedov, Vedernikov, Xadzikanudis, Popov, Ionov, Proshlyakov, Saletros, Bayramyan, Saplinov, Kojemyakin, Kozlov.
Gollar: Sayfiyev 52 - Yeremenko 85-pen.
