«Manchester Siti» bosh murabbiyi Pep Gvardiola «Tottenxem» ustozi Joze Mourinyo haqida o‘z fikrlarini bildirib o‘tdi.

— «Tottenxem» Mourinyo qo‘ostida yaxshiroq o‘ynay boshladimi?
— Men Mourinyo boshqaruvidagi «Tottenxem»ning bir yarimta o‘yinini ko‘rdim. Barcha u haqda, uning murabbiylik sifatlarida haqida yaxshi biladi. Mavsum o‘rtasida jamoani qabul qilish oson emas. Hamisha vaqt kerak. Uning qanday natijaga erishishini keyinchalik ko‘ramiz.

— Nima uchun sizning Mourinyo bilan raqobatingiz Manchesterda davom etmadi?
— Balki, biz ulg‘ayganimiz va tajribaliroq bo‘lganimiz uchundir. Bilmadim.

— So‘nggi paytda Mourinyo duch kelayotgan qiyinchliklar haqida nima deya olasiz?
— U katta tajribaga ega murabbiy. U ko‘p narsaga erishgan. Faqat bitta mavsumdan kelib chiqib xulosa qilish kerak emas. Professional sifatida men hamkasbimning faoliyatiga 10-15 yillik ishi orqali baho berishim mumkin.

Har bir murabbiyda yaxshi va yomon davr bo‘ladi. Joze bu sohada 15-20 yildan beri ishlamoqda. Bu vaqt mobaynida u muvaffaqiyatli faoliyat olib bordi. Buni hurmat qilish kerak. Odatda sportda g‘alabadan ko‘ra ko‘proq mag‘lubiyatga uchraysan. Misol uchun — Maykl Jordan. U 16-17 yillik faoliyati davomida NBAni 6 marta yutgan. Ya’ni, g‘alabadan ko‘ra mag‘lubiyat ko‘proq bo‘lgan.

— Hozirgi kunda Pep va Mourinyo o‘rtasida avvalgiga nisbatan ko‘proq hurmat bormi?
— Uning futbolga qo‘shgan hissasi uchun men uni hamisha hurmat qilganman.

Eslatib o‘tamiz, «Manchester Siti» va «Tottenxem» jamoalari 2 fevral kuni APLning 25-turi doirasida o‘zaro to‘qnash kelishadi.