«Манчестер Сити» бош мураббийи Пеп Гвардиола «Тоттенхэм» устози Жозе Моуриньо ҳақида ўз фикрларини билдириб ўтди.

— «Тоттенхэм» Моуриньо қўостида яхшироқ ўйнай бошладими?
— Мен Моуриньо бошқарувидаги «Тоттенхэм»нинг бир яримта ўйинини кўрдим. Барча у ҳақда, унинг мураббийлик сифатларида ҳақида яхши билади. Мавсум ўртасида жамоани қабул қилиш осон эмас. Ҳамиша вақт керак. Унинг қандай натижага эришишини кейинчалик кўрамиз.

— Нима учун сизнинг Моуриньо билан рақобатингиз Манчестерда давом этмади?
— Балки, биз улғайганимиз ва тажрибалироқ бўлганимиз учундир. Билмадим.

— Сўнгги пайтда Моуриньо дуч келаётган қийинчликлар ҳақида нима дея оласиз?
— У катта тажрибага эга мураббий. У кўп нарсага эришган. Фақат битта мавсумдан келиб чиқиб хулоса қилиш керак эмас. Профессионал сифатида мен ҳамкасбимнинг фаолиятига 10-15 йиллик иши орқали баҳо беришим мумкин.

Ҳар бир мураббийда яхши ва ёмон давр бўлади. Жозе бу соҳада 15-20 йилдан бери ишламоқда. Бу вақт мобайнида у муваффақиятли фаолият олиб борди. Буни ҳурмат қилиш керак. Одатда спортда ғалабадан кўра кўпроқ мағлубиятга учрайсан. Мисол учун — Майкл Жордан. У 16-17 йиллик фаолияти давомида НБАни 6 марта ютган. Яъни, ғалабадан кўра мағлубият кўпроқ бўлган.

— Ҳозирги кунда Пеп ва Моуриньо ўртасида аввалгига нисбатан кўпроқ ҳурмат борми?
— Унинг футболга қўшган ҳиссаси учун мен уни ҳамиша ҳурмат қилганман.

Эслатиб ўтамиз, «Манчестер Сити» ва «Тоттенхэм» жамоалари 2 февраль куни АПЛнинг 25-тури доирасида ўзаро тўқнаш келишади.