Yangi mavsumga tayyorgarlikni Samarqandda o‘tkazayotgan «Dinamo» jamoasi o‘quv-mashg‘ulot yig‘ini doirasidagi dastlabki uchrashuvni o‘tkazdi.
Nazorat bahsida «Dinamo» klubi Samarqand viloyat futbol akademiyasining 2001/02-yillarda tug‘ilgan futbolchilardan iborat jamoasiga qarshi maydonga tushirdi.
Shu kuni «Dinamo» murabbiylar shtabi bir qator yangi yosh futbolchilarni sinovdan o‘tkazdi. O‘yin davomida tajriba bobida raqibidan ustunlik qilgan «dinamochilar» yirik hisobda g‘alaba qozonishdi.
Hisobni 13-daqiqada markaziy himoyachi Jasur Urinov ochgan bo‘lsa, 18-daqiqada bulung‘urlik yosh iqtidor Shahzodov farqni ikkitga oshirdi. 30-daqiqada Qadamboy Nurmetov hisobni yirik ko‘rinishga olib kelgan bo‘lsa, 71-daqiqada Sharofiddin Shobirov jarima zarbasini golga aylantirdi – 4:0.
Qayd etish joiz, shu kuni jarohati bois Hakimxon A’lamxonov, Damir Temirov, Shohruh Abdurahmonov, Amirjon Safarov singari futbolchilar maydonga tusha olishmadi.
Kuniga ikki mahaldan mashg‘ulotlar olib borayotgan «Dinamo» jamoasi tayyorgarlikni Samarqanddagi o‘z qarorgohi va Samarqand tumanidagi stadionda davom ettirmoqda.
Nazorat uchrashuvi. 1 fevral (shanba)
«Dinamo» - Samarqand viloyat akademiyasi (U18-19) – 4:0
Camarqand tumani BO‘SM stadioni
Gollar: Jasur Urinov 13, Shahzodov 18, Qadamboy Nurmetov 30, Sharofiddin Shobirov 71.
«Dinamo»: Shohruh Eshbo‘tayev (Shohruh Raimov, Farhod Rahmatov), Komil Sharofutdinov, Jasur Urinov, SH.SHahzodov, Sharofiddin Shobirov, Bobur Qosimov, Jasur Azimov, Obid Hakimov, Sanjar Baratov, Nizom Norov, Qadamboy Nurmetov.
