PFL bosh direktori o‘rinbosari Diyor Imomxo‘jayev, avvaliga "Qo‘qon-1912"dan "Bunyodkor"ga ijarga brilib, yana qaytirib olingan Murod Holmuhammedov masalasi bo‘yicha to‘xtalib o‘tdi.
"Kanalda avval ham ma’lumot bergandik (https://t.me/diyorimamkhodjaev/1690), futbolchi bilan 2 oylik shartnoma tuzib bo‘lmasligi haqida. Shartnoma mavsum avvalida tuzilayotgan bo‘lsa, u kamida 1 yillik bo‘lishi, shartnoma mavsum o‘rtasida tuzilayotgan bo‘lsa, u kamida yarim yillik bo‘lishi kerak.
Bunyodkor Murod Xolmuhamedovni 1 yilga ijaraga oldi (2 oyga emas). Bu reglament bo‘yicha to‘g‘ri. Xolmuhamedov OCHL o‘yinlarida Bunyodkor safida harakat qildi. Endi esa Superliga boshlanmay turib, Qo‘qon-1912 o‘z futbolchisini qaytib oldi. Buning ajabnarali yeri yo‘q. Agar Xolmuhemdov Bunyodkorning Superliga o‘yinida ishtirok etib ulgursa edi, u Qo‘qonga kamida yozgacha qayta olmas edi. Ikki klub reglament bo‘yicha o‘zaro kelishib ish ko‘rsa, O‘zPFL bu ishga aralashmaydi.
P.S. Bunyodkorga OCHL oson bo‘lmasligi aniq edi. Boisi jamoaning asosiy futbolchilari olimpiya termasi ixtiyorida edi. Shundan kelib chiqsak, Abramov yordam kuchlariga ehtiyoj sezdi", -deb yozib qoldirdi Imomxo‘jayev.
